کولمبو (سپورٹس ڈیسک) تیسری سارک اسنوکر چیمپئن شپ میں عالمی چیمپئن محمد آصف کے بعد سابق عالمی جونیئر چیمپئن محمد نسیم اختر نےبھی اپنا دوسرا گروپ میچ جیت لیا جہاں روایتی حریف بھارت کے کھلاڑی کو شکست کا سامنا کرنا پڑا۔
سری لنکا کے دارالحکومت کولمبو میں جاری تیسری سارک اسنوکر چیمپئن شپ کے دوسرے دن گروپ اے میں پاکستان کے محمد نسیم اختر نےسخت مقابلے کے بعد بھارتی حریف ہارس گپتا کو2-4 سے شکست دے دی۔
نسیم اختر نے گروپ اے میں اپنے پہلے میچ میں سری لنکا کےسوسانتھا بوتھیجو کو 0-4 سے قابو کیا تھا،راونڈ لیگ کے پہلے میچ میں گروپ سی کے ٹاپ سیڈ 3 مرتبہ کے عالمی چیمپئن محمد آصف نے میزبان کھلاڑی مورو گیسو پراتھپ کو 0-4 سے مات دینے کے بعد دوسرےمیچ میں بنگلا دیش کے احمد نظام الدین کے خلاف 1-4 سے فتح حاصل کی تھی۔
