بیجنگ (ویب ڈیسک) چینی صدر شی جن پھنگ کے ویتنام کے سرکاری دورے کے دوران سی پی سی سینٹرل کمیٹی کے پبلسٹی ڈپارٹمنٹ کے ڈپٹی ڈائریکٹر اور چائنا میڈیا گروپ کے صدرشن ہائی شونگ نے ویتنام ٹیلی ویژن کے ڈائریکٹر جنرل کے ساتھ "2025-2026 کے لئےچائنا میڈیا گروپ اور ویتنام ٹیلی ویژن کے درمیان تعاون کی یادداشت”، وائس آف ویتنام ریڈیو اسٹیشن کے ڈائریکٹر جنرل کے ساتھ "چائنا میڈیا گروپ اور وائس آف ویتنام ریڈیو اسٹیشن کے درمیان تعاون کا معاہدہ”، اور ویتنام انسٹی ٹیوٹ برائے نشریات و صحافت کے ڈین کے ساتھ "چائنا میڈیا گروپ اور ویتنام انسٹی ٹیوٹ آف جرنلزم اینڈ پبلسٹی کے درمیان تعاون کی یادداشت” پر دستحط کیے۔
چائنا میڈیا گروپ کے صدر سمیت دیگر افراد کےہمراہ، شی جن پھنگ اور ویتنام کی کمیونسٹ پارٹی کی مرکزی کمیٹی کے جنرل سیکرٹری تولام نے چائنا میڈیا گروپ نیو فلم گروپ کی جانب سے تیار کردہ دستاویزی فلم "ہو چی منہ اور چین کی دوستی” اور چائنا فلم گروپ کی جانب سے تیار کردہ ڈانس ڈرامہ فلم "اونلی دیس گرین” دیکھی۔ دستخط شدہ دستاویزات کے مطابق ، چائنا میڈیا گروپ مندرجہ بالا اداروں کے ساتھ ایک معمول کے تعاون کا میکانزم قائم کرے گا تاکہ مواد کے تبادلے ، مشترکہ پیداوار ، سرگرمیوں کے مشترکہ اہتمام اور اہلکاروں کے تبادلے سمیت دیگر شعبوں میں تعاون کو مزید وسعت دی جاسکے۔
